Konstitutsiyaviy islohotlarning muhim ustuvor yo’nalishi – inson huquq va erkinliklarini himoya qilishdir

Konstitutsiyaviy islohotlarning muhim ustuvor yo’nalishi – inson huquq va erkinliklarini himoya qilishdir

O’zbekiston davlat jismoniy tarbiya va sport universiteti Nukus filialida «Konstitutsiyaviy islohotlarning muhim ustuvor yo’nalishi – inson huquq va erkinliklarini himoya qilishdir” mavzusida uchrashuv o’tkazildi.

Uchrashuvda Nukus harbiy sudining sudya yordamchisi Rasul Nurniyazov tomonidan yoshlar bilan muloqat o’tkazilib, yangi tahrirdagi Konstitutsiyaga kiritilayotgan o’zgarishlar va uning ertangi farovon hayotimizning mustahkam huquqiy kafolati ekanligi haqida so’z bordi.

Tadbirda ta’kidlab o’tilganidek, bugungi kunda O’zbekiston Respublikasi demokratik printsiplar, inson huquq va erkinliklari borasida umume’tirof etilgan printsip va normalarga asoslangan, bosh maqsadi halq uchun erkin, obod hamda farovon hayot yaratib berishdan iborat bo’lgan davlatga aylandi. Konstitutsiya asosi bitta ezgu g’oya atrofida tubdan qayta yaratilgan, ya’ni ushbu yangilanishlardan kutilayotgan asosiy maqsad har bir sohada inson huquq va manfaatlarini ta’minlashdir.

Tadbir yakunida talabalarni qiziqtirgan savollarga mutasaddilar tomonidan atroflicha javoblar berildi.