“Трамадол Ланнахер 50 мг” гиёҳвандлик воситасини қонунга хилоф равишда сақлаб келган шахсга 3 йил озодликдан маҳрум қилиш жазоси тайинланди

“Трамадол Ланнахер 50 мг” гиёҳвандлик воситасини қонунга хилоф равишда сақлаб келган шахсга 3 йил озодликдан маҳрум қилиш жазоси тайинланди

Инсоният таррақиётнинг янги чўққилари забт этилаётган бир даврда, халқлар, миллатлар келажагига таҳдид туғдирувчи гиёҳвандлик балоси глобал муаммога айланган. Ушбу иллатга қарши курашишда давлатимизда бир қанча ишлар амалга оширилмоқда.

Шунга қарамасдан айрим ҳолатларда ушбу иллатнинг чангалиги тушиб қолаётганлар учрамоқда. Шу ўринда бир мисол тариқасида жорий йилнинг 07 февраль куни Элликқалъа туман судида кўриб чиқилган жиноят иши ҳолатларига тухталиб ўтсак. Тўрткўл туманида яшовчи К.Н. исмли шахс гуёки ўзининг муқаддам йўл транспорт ҳодисасига учрагани ва ундан қолган асоратларнинг оғриқларини қолдиришда мунтазам истеъмол қилиб, 2018 йил 27 октябрь куни қабул қилинган 878-сонли қарорининг 2-рўйхатига кўра, Республика ҳудудида муомаласи чекланган гиёҳвандлик воситалари рўйхатига киритилган «Трамадол» моддаси бўлган, 22 конвалютада 212 дона таблеткадаги соф вазни 10,6 грамм бўлган кўп миқдордаги “Трамадол Ланнахер 50 мг” гиёҳвандлик воситасини қонунга хилоф равишда сақлаб келган.
2021 йил 24 сентябрь куни соат 15:30-18:00 ларда К.Н нинг яшаш уйида ўтказилган тинтув давомида унинг уйининг ошхонасидан 22 дона ковалютадаги 212 дона таблетка яъни, “Трамадол Ланнахер 50мг” гиёҳвандлик воситалари борлиги аниқланиб, ашёвий далил тариқасида олинган.

Мазкур жиноят иши мазмунан кўриб чиқилиб, К.Н. Ўзбекистон Республикаси Жиноят кодексининг 276-моддаси 2-қисми “а” банди билан айбли деб топилиб, унга нисбатан 3 (уч) йил озодликдан маҳрум қилиш жазоси тайинланди.

Гиёҳвандлик оғир жиноятларнинг содир этилишига, оилалар ва миллат генофондининг бузилишига сабаб бўлиши мумкин. Шунинг учун юртимизда наркотик моддаларни истеъмол қилиш ва уларнинг ноқонуний айланишига қарши кураш масаласига жиддий эътибор қаратилган.

Шу жумладан судлар томонидан ушбу иллатнинг ачинарли оқибатларининг олдини олиш бўйича фуқаролар, айниқса ёшлар орасида тушунтириш ишлари олиб борилиб, мазкур тоифадаги жиноят ишларини оммавий ахборот воситалари ва ижтимоий тармоқларда мунтазам равишда ёритилиб борилмоқда.

Бундан кўзланган мақсад, жиноятларнинг содир этилишининг барвақт олдини олиш, фуқароларнинг қонуний манфаатларини ҳимоя қилишдан иборатдир.

Оразбай Мауленов,

Жиноят ишлари бўйича Элликқалъа туман суди раиси

Инсон манфаатлари йўлида

Ўзбекистон Республикаси Конституциясининг иккинчи бўлимида инсон ва фуқароларнинг асосий ҳуқуқлари, эркинликлари ва бурчлари ҳақида сўз боради. Конституциянинг 20-моддасида фуқаролар ўз ҳуқуқ ва эркинликларини амалга оширишда бошқа шахсларнинг, давлат ва жамиятнинг қонуний манфаатлари, ҳуқуқлари ва эркинликларига путур етказмасликлари шарт.

Шу муносабатда, жиноят ишлари бўйича Элликқалъа туман суди ва Элликқалъа туман ички ишлар бўлими билан ҳамкорликда жорий йилнинг 11 январь куни, Ўзбекистон Республикаси Олий суди Раёсатининг 2021 йил 9 ноябрдаги “Судлар томонидан 2021 йилнинг биринчи ярмида енгил тан жароҳати етказиш ва майда безорилик яъни, Ўзбекистон Республикаси Маъмурий Жавобгарлик тўғрисидаги Кодекснинг 52-моддаси ва 183-моддаси билан боғлиқ кўрилган маъмурий ҳуқуқбузарлик тўғрисидаги ишлар бўйича суд амалиётини умумлаштириш натижалари ҳақида”ги РС-59-21-сонли қарорининг 6-бандида, мазкур тоифалардаги маъмурий ҳуқуқбузарлик тўғрисидаги ишларни расмийлаштиришда қонунчилик талабларига риоя қилинишини таъминлаш мақсадида семинар машғулоти ўтказилди.

Бугунги кунда жиноятчилик ва ҳуқуқбузарликларнинг олдини олиш бўйича бир қанча ишлар олиб борилаётганига қарамасдан, айрим ҳолларда фуқаролар ўртасида бир-бирларига жароҳат етказиш ва жамоат жойларида спиртли ичимликлар истеъмол қилган маст ҳолатида фуқароларнинг осойишталигини бузувчи хатти-ҳаракатлар содир қилиниши кўзатилмоқда. Ушбу ҳуқуқбузарликларни содир қилган шахсларга қонун талаблари тушунтирилиши, ва уларнинг ҳуқуқий онгини оширишга қаратилган ҳуқуқий тарғибот ишларини кучайтиришимиз лозим.

Мазкур семинар машғулотида ҳам туман суди раиси Оразбай Мауленов юқоридаги тоифалардаги ишларни расмийлаштиришда қонун талабларига риоя қилиш ва фуқароларнинг қонуний ҳуқуқларини ҳимоя қилинишини таъминлаш бўйича, барча чора тадбирлар кўрилиши лозимлиги ҳақида тушунтиришлар берди.

Ушбу семинар машғулотларини ўтказишдан мақсад, фуқароларнинг қонуний манфаатларини суд йўли билан ҳимоя қилиш, фуқароларнинг судга бўлган ишончини ошириш, шунингдек, Давлатимизда суд соҳасида олиб борилаётган ислоҳатларни жамоатчиликка етказиш ҳисобланади.

Конституциямизнинг 48-моддасида фуқаролар Конституция ва қонунларга риоя этишга, бошқа кишиларнинг ҳуқуқлари, эркинликлари, шаъни ва қадр-қимматини ҳурмат қилишга мажбурдирлар. Конституциямизнинг мазкур талабларига риоя қилишимиз ҳар биримизнинг бурчимиз ҳисобланади.

Оразбай Мауленов,

Жиноят ишлари бўйича Элликқалъа туман суди раиси

Маъмурий судьялар юрисконсультлар билан учрашди

Қорақалпоғистон Республикаси маъмурий суди ва Нукус туманлараро маъмурий суди судьялари томонидан Адлия вазирлиги билан биргаликда  маҳаллий давлат ҳокимияти органлари ва бошқа мутасадди ташкилотларнинг юридик хизматлари билан оммавий-ҳуқуқий муносабатлар билан боғлиқ низолар юзасидан амалиётда учраётган баъзи камчиликларни бартараф этиш юзасидан семинар-тренинг ўтказилди.

Семинар давомида “Юридик хизматларнинг вазифалари ва маҳаллий давлат ҳокимияти органларининг норма ижодкорлиги: амалиёт ва муаммолар”, “Маъмурий суд амалиётида давлат бошқарув органлари, маъмурий-ҳуқуқий фаолиятни амалга оширишга ваколатли бўлган бошқа органлар ва уларнинг мансабдор шахслари, юрисконсультлари томонидан қонунчиликни қўллашда йўл қўйилган хато-камчиликлар ва уларни бартараф этиш чора-тадбирлари”, “Кўчмас мулк объектларига бўлган ҳуқуқларини давлат рўйхатидан ўтказиш тартиби билан боғлиқ оммавий-ҳуқуқий муносабатлардан юрисконсультлар томонидан йўл қўйилаётган камчиликлар” ва “Маъмурий суд томонидан вилоят, туман (шаҳар) ҳокимларининг қарорларини ҳақиқий эмас деб топилиши сабаблари: мазкур қарорларни қабул қилингунига қадар юрисконсульт томонидан бажарилиши лозим бўлган вазифаларари” мавзусида маърузалар тингланиб, мажлис якунида семинар иштирокчилари ўзларининг қизиқтирган саволларига жавоблар олдилар.

Амир Нурлипесов,

Қорақалпоғистон Республикаси маъмурий суди раиси                           

6 нафар шахс муддатидан олдин  шартли жазодан озод қилинди

Жиноят ишлари бўйича Элликқалъа туман суди томонидан 2021 йил 17 декабрь куни Элликқалъа туман ички ишлар органлари пробация гуруҳи биносида очиқ сайёр бўлиб ўтди. Унда бир гуруҳ шахслар Ўзбекистон Республикаси Жиноят кодексининг 73-моддасига асос жазодан муддатидан илгари шартли озод қилинди.

Хусусан; жиноят ишлари бўйича Хоразм вилояти Урганч туман суди томонидан 2020 йил 14 октябрь куни Ўзбекистон Республикаси Жиноят кодексининг 266-моддаси 2-қисми билан, 3 йил муддатга ахлоқ тузатиш ишлари жазоси тайинланган Ю.Р, 2020 йил 24 ноябрь куни жиноят ишлари бўйича Тўрткўл туман суди томонидан Ўзбекистон Республикаси Жиноят кодексининг 266-моддаси 2-қисми билан 3 йил ахлоқ тузатиш ишлари жазоси тайинланган Т.М, 2020 йил 18 ноябрь куни жиноят ишлари бўйича Элликқалъа туман суди томонидан Ўзбекистон Республикаси ЖКнинг 266-моддаси 2-қисми билан 3 йил муддатга ахлоқ тузатиш ишлари жазоси тайинланган Р.Х, 2017 йил 25 декабрь куни жиноят ишлари бўйича Тўрткўл туман суди томонидан Ўзбекистон Республикаси Жиноят кодексининг 104-моддаси 3-қисми “д” банди билан айбдор деб топилиб 6 йил муддатга озодликдан маҳрум қилиш жазосига ҳукм қилинган ва 2019 йил 22 август куни жиноят ишлари бўйича Қўнғирот туман судининг ажрими билан Ўзбекистон Республикаси Жиноят кодексининг 74-моддаси 3-қисми “б” бандига асосан ўталмай қолган озодликдан маҳрум қилиш жазосининг 3 йил 11 ой 25 кун ахлоқ тузатиш ишлари жазосига алмаштирилган К.Р, жиноят ишлари бўйича Беруний туман суди томонидан 2021 йил 21 январь куни Ўзбекистон Республикаси Жиноят кодексининг 266-моддаси 1-қисми билан 2 йил муддатга ахлоқ тузатиш ишлари жазоси тайинланган К.К. ҳамда 2020 йил 09 сентябрь куни жиноят ишлари бўйича Элликқалъа туман суди томонидан Ўзбекистон Республикаси Жиноят кодексининг 266-моддаси 2-қисми билан 3 йил муддатга ахлоқ тузатиш ишлари жазоси тайинланган С.Жларга суд мажлисида суд томонидан тайинланган жазо муддатларининг муайян муддатини ўтаганлиги ва муносиб хулқ-атворда бўлганлиги, содир этилган қилмишининг оқибатларини тушуниб етганликлари инобатга олиниб, инсонпарварлик принципига амал қилинди.

Маҳкумларга ҳукм чиқарилганидан кейин жазони тўла ўтамай туриб, янги жиноят содир этса, суд янги ҳукм бўйича тайинланган жазо муддатига илгариги ҳукм юзасидан ўталмай қолган жазо муддатини тўла ёки қисман қўшилиши ҳақида тушунтирилди.

Оразбай Мауленов

Жиноят ишлари бўйича Элликқалъа туман суди раиси

 Хотин-қизларга нисбатан зўравонликка биргаликда курашамиз

Ҳозирги кунда бутун дунёда рўй бераётган глобаллашув даврида хотин-қизларнинг ҳуқуқий эркинликлари, қонуний манфаатларини ҳимоя қилиш жуда ҳам долзарб масалага айланиб бормоқда. Жамиятда хотин-қизларнинг иқтисодий-сиёсий ҳамда ижтимоий-ҳуқуқий фаолиятини юксалтириш жараёнлари кечиктириб бўлмас давр талаби ҳисобланмоқда.

Сўнгги йилларда гендер тенгликни таъминлаш, аёлларнинг ижтимоий ва сиёсий ҳаётдаги ролини ошириш бўйича ишлар бир неча йўналишларда олиб борилмоқда.

Шу маънода Беруний туманлараро иқтисодий судининг судьялари Қ.Хожамуратов ва Б.Бекмуратовлар томонидан ҳам мазкур соҳадаги қонунчилик чораларига тўхталиниб, қуйидагилар таъкидланди.

Хусусан, Ўзбекистонда хотин-қизлар ҳуқуқларини таъминлаш ва ҳимоя қилишнинг ҳуқуқий асосларини янада такомиллаштириш мақсадида 2019 йил сентябрь ойида “Хотин-қизлар ва эркаклар учун тенг ҳуқуқ ҳамда имкониятлар кафолатлари тўғрисида”ги ҳамда “Хотин-қизларни тазйиқ ва зўравонликдан ҳимоя қилиш тўғрисида”ги Қонунлар қабул қилинди.

“Хотин-қизларни тазйиқ ва зўравонликдан ҳимоя қилиш тўғрисида”ги Қонунга биноан тазйиқ ва зўравонликдан жабрланувчи хотин-қизларнинг ҳуқуқлари белгилаб берилди, айниқса ички ишлар органларига ҳимоя ордери бериш тўғрисидаги талаб билан мурожаат қилиш ҳуқуқи мустаҳкамланиб қўйилди.

Шунингдек, хотин-қизларни тазйиқ ва зўравонликдан ҳимоя қилиш соҳасидаги Ўзбекистон Республикаси Вазирлар Маҳкамаси, маҳаллий давлат ҳокимияти, ички ишлар, меҳнат, таълим ва соғлиқни сақлаш тизимини давлат томонидан бошқариш органлари, Ўзбекистон Хотин-қизлар қўмитаси, фуқаролар ўзини ўзи бошқариш органлари, ННТлар ва фуқаролик жамияти бошқа институтларининг ваколатлари алоҳида ажратиб берилди.

Ўзбекистон Хотин-қизлар қўмитасига ёрдам кўрсатиш, маслаҳат бериш механизми ҳамда чора-тадбирлари, хотин-қизларга нисбатан тазйиқ ва зўравонлик ҳолатларининг олдини олиш тўғрисида ахборот олишни таъминлаш мақсадида Ўзбекистон Республикасининг бутун ҳудудида туну кун ишлайдиган, бепул телефон линияси тармоғи (ишонч телефони) ишлаб туришини таъминлаш вазифаси юклатилган. Телефон линияси тармоғи махфийликка риоя этган ҳолда фаолият кўрсатади. Ишонч телефони орқали олинган ахборотни ошкор этишга йўл қўйилмайди, бундан қонунчиликда белгиланган ҳоллар мустасно.

Тазйиқ ва зўравонликдан жарбланувчилар учун Маҳалла ва оилани қўллаб-қувватлаш вазирлигининг 1146 рақамли ҳамда Оғир аҳволга тушиб қолган аёллар учун Республика реабилитация ва мослаштириш марказининг 1169 рақамли ишонч телефонлари йўлга қўйилган.

Бундан ташқари, Қонунда ҳимоя ордерини бериш ва унинг муддатини узайтириш тартиби ҳам белгиланган бўлиб, ҳимоя ордери тазйиқ ва зўравонликдан жабрланувчига берилади. Тазйиқ ўтказган ва (ёки) зўравонлик содир этган ёхуд уларни содир этишга мойил бўлган шахсга ҳимоя ордерининг нусхаси берилади.

Гендер тенглик бўйича институционал чораларга келсак, айни пайтда Ўзбекистон Республикаси Олий Мажлисининг Сенати таркибида аёллар ҳуқуқларини таъминлаш ва камситишнинг ҳар қандай шаклига барҳам бериш бўйича миллий қонунчиликда халқаро стандартларни уйғунлаштириш билан шуғулланувчи янги Хотин-қизлар ва гендер тенглик масалалари қўмитаси ташкил қилинган. Бундан ташқари, меҳнатга оид ҳуқуқларнинг кафолатлари ва қўллаб-қувватлашни янада кучайтириш, уйдаги зўравонлик қурбонларига ёрдам бериш мақсадида Зўрлик ишлатишдан жабр кўрган шахсларни реабилитация қилиш ва мослаштириш ҳамда ўз жонига қасд қилишнинг олдини олиш республика маркази ва Хотин-қизлар тадбиркорлиги маркази, Ҳукумат ҳузурида “Оила” илмий-амалий тадқиқот маркази каби янги тузилмалар ташкил топди.

Хулоса ўрнида таъкидлаш жоизки, ишлаб чиқилаётган чора-тадбирлар мамлакатнинг барча ҳудудлари ва хотин-қизларнинг барча тоифаларини қамраб олиши керак. Бу ерда айниқса чекка ҳудудлардаги, қишлоқлардаги хотин-қизларга, этник озчилик гуруҳлари, ногиронлар ва нотинч оилалардаги хотин-қизларга асосий эътибор қаратилиши даркор.

Байрамбай Бекмуратов,

Беруний туманлараро иқтисодий судининг судьяси

Коррупцияга қарши курашиш бўйича чора-тадбирлар

Қорақалпоғистон Республикаси Бандлик ва меҳнат муносабатлари вазирлигида «Коррупцияга қарши ҳаракатлар ва кураш» мавзусида ҳуқуқий-маънавий тадбир бўлиб ўтди. Тадбирда Қорақалпоғистон Республикаси суди судьялари С.Ниязов ва У.Сабировлар томонидан Президентимиз Шавкат Мирзиёев ташаббуси билан Қонунчилик палатаси томонидан 2016 йил 24 ноябрда қабул қилинган, Сенат томонидан 2016 йил 13 декабрда маъқулланган ва 2017 йил 3 январь куни қабул қилинган «Коррупцияга қарши кураш тўғрисида»ги қонуннинг мазмун ва моҳияти ҳаётий тамойиллар асосида тушунтириб берилди.

Унда коррупцияга қарши курашиш бўйича чора-тадбирлар амалга оширилиши юзасидан мониторингни амалга ошириш, ушбу соҳадаги мавжуд ташкилий-амалий ва ҳуқуқий механизмларнинг самарадорлигини баҳолаш, коррупцияга қарши курашиш тўғрисидаги қонун ҳужжатларини такомиллаштириш ва ушбу соҳадаги ишларни яхшилаш, ҳудудий идоралараро комиссиялар фаолиятини мувофиқлаштириш каби масалалар қайд қилинган.

Қорақалпоғистон Республикаси бандлик ва меҳнат муносабатлари вазирлигида ҳам коррупцияга қарши курашиш, бу борада соҳада ҳуқуқий билимларни кучайттириш масаласига алоҳида эътибор қаратилганлиги таъкидланди. Соҳа ходимларининг бу иллатга қарши шахсий жавобгарлиги оширилди. Тизимда бугунги кунда қонун ва бошқа меъёрий ҳуқуқий ҳужжатларга мувофиқ, коррупциоген хавф-хатарлар, манфаатлар тўқнашувини ўз вақтида аниқлаш ва чек қўйиш, қонун бузилиши ва коррупцияга оид ҳуқуқбузарликлар профилактикаси, уларга имкон берувчи сабаблар ва шарт-шароитларни бартараф этиш бўйича амалий ишлар олиб бормоқда.

Коррупцияга қарши кураш жазони кучайтириш билан эмас, балки ҳаётни яхшилаш, тўлиқ фаровонликка эришиш учун оқилона тизим зарур.

Тадбир кўтаринки руҳда, қизғин савол-жавоблар тарзида ўтди.

Спартак Ниязов,
Қорақалпоғистон Республикаси суди судьяси

Кегейлида “Ягона дарча тизими”ни судлар фаолиятига тадбиқ этиш лойиҳасининг аҳамияти тушунтирилди

Маълумки, давлатимиз раҳбари Шавкат Мирзиёев ўзининг сайловолди дастурида суд-ҳуқуқ соҳасидаги ислоҳотларнинг асосий йўналишларига тўхталиб, эндиликда судлар фаолиятига “ягона дарча” тартиби жорий этилиши билан боғлиқ ташаббусни илгари сурган эди. Жумладан, бундан буён иш фуқаролик, иқтисодий ёки маъмурий судга тааллуқли бўлишидан қатъи назар, ариза “ягона дарча” асосида қабул қилиниши, бу эса фуқаро ва тадбиркорларнинг эшикма-эшик сарсон бўлишига чек қўйиши таъкидлаган эди.

Ўз навбатида Олий суд томонидан айни масалага доир лойиҳа ишлаб чиқилиб, судьялар, адвокатлар ҳамда кенг жамоатчиликка ҳавола этиш, лойиҳа юзасидан фикр-мулоҳазаларни умумлаштириш жараёнлари олиб борилмоқда.

Кегейли туманида ўтказилган тадбирга туман ҳокими Д.Утемуратов, Қорақалпоғистон Республикаси маъмурий суди раиси А.Нурлипесов, туман прокурори Қ.Бекмуратов ва тумандаги овул ва маҳалла фуқаролар йиғинлари раислари, тадбиркорлар ва кенг жамоатчилик вакиллари қатнашди. Унда  Қорақалпоғистон Республикаси маъмурий суди раиси А.Нурлипесов сўзга чиқиб,  янгича ёндашувнинг қулайлик ва афзалликларига алоҳида тўхталиб ўтди.

Шунингдек, тадбирда судларга тадбиқ этилиши режалаштирилаётган “ягона дарча” тизимининг афзалликлари ва қулайликлари тушунтирилиб, бунинг учун амалга оширилиши лозим бўлган вазифалар ҳақида ҳам тўхталиб ўтилди.  Шу билан бирга, йиғилишда қатнашган айрим ҳуқуқшунос ва тадбиркорлар лойиҳани амалга оширишда эътиборга қаратилиши лозим бўлган масалалар юзасидан ўз таклифларини ҳам билдириб ўтдилар.

“Ягона дарча” тамойили судларга жорий этилмоқда

Қорақалпоғистон Республикаси суди раиси ўринбосари К.Тарихов, Жиноят ишлари бўйича Қўнғирот туман суди раиси Д.Разов ҳамда Қўнғирот туманлараро иқтисодий суди раиси А.Аяповлар Қўнғирот туман туман Давлат хизматлари марказларида туман Адлия бўлими ходимлари, Юридик хизмат марказининг раҳбар ва ходимлари, тадбиркорлик субъектлари иштирокида “ягона дарча тизими”ни судлар фаолиятига тадбиқ этиш лойиҳасининг аҳамияти хусусида тушунтириш ишлари олиб борилди.

Маълумки, давлатимиз раҳбари Шавкат Мирзиёев ўзининг сайловолди дастурида суд-ҳуқуқ соҳасидаги ислоҳотларнинг асосий йўналишларига тўхталиб, эндиликда судлар фаолиятига “ягона дарча” тартиби жорий этилиши билан боғлиқ ташаббусни илгари сурган эди. Жумладан, бундан буён иш фуқаролик, иқтисодий ёки маъмурий судга тааллуқли бўлишидан қатъи назар, ариза “ягона дарча” асосида қабул қилиниши, бу эса фуқаро ва тадбиркорларнинг эшикма-эшик сарсон бўлишига чек қўйиши таъкидлаган эди.

Ўз навбатида Олий суд томонидан айни масалага доир лойиҳа ишлаб чиқилиб, судьялар, адвокатлар ҳамда кенг жамоатчиликка ҳавола этиш, лойиҳа юзасидан фикр-мулоҳазаларни умумлаштириш жараёнлари олиб борилмоқда.

Жойларда бошланган мулоқотда янгича ёндашувнинг қулайлик ва афзалликлари борасида сўз юритилиб, муҳокама жараёнида тадбир иштирокчилари ўзларининг фикр-мулоҳазаларини баён қилди.

Алишер Аяпов,

Иқтисодий ишлар бўйича Қўнғирот туманлараро суди раиси

Коррупция — жамият кушандаси

Коррупцияни бартараф этиш бўйича жаҳон ҳам жамияти томонидан бир қатор самарали ишлар амалга оширилган бўлса-да, лекин ҳанузгача уни бартараф этишни имконияти йўқ.

Ўзбекистон Республикаси Президентининг 2021 йил 06 июль кунги коррупцияга қарши курашиш фаолиятини самарали ташкил этишга доир қўшимча чора-тадбирлар тўғрисидаги ПҚ-5177-сонли Қарори қабул қилинган.

Хусусан, бугунги кунда мамлакатимизда коррупцияга қарши курашиш ва унга шароит яратиб берувчи ҳолатларни бартараф этишга улкан эътибор берилганлиги мамлакатимизда коррупция ҳали ҳам жамият ҳаётининг қисми сифатида мавжудлигини кўрсатади.

Сўнги йилларда коррупцияга қарши курашиш ва уни минимал даражага тушириш учун бир қатор ислоҳотлар амалга оширилди, хусусан, ошкоралик принципи кенг тарғиб қилиниб, унга тўлиқ амал қилиш ҳамда давлат бошқарув ва ҳуқуқни мухофаза қилувчи органлар фаолиятини халқ назоратига олиш йўлга қўйилди. Бунда оммавий ахборат воситаларининг ўрни беқиёслигини инобатга олиш лозим.

Коррупцияга унга бериладиган жазони оғирлаштириш орқали курашиш самарали йўл эмаслигини, жазолаш функцияси орқали коррупцияни йўқотиб бўлмаслигини чет эл давлатлар қонунчилиги мисолида ҳам кўришимиз мумкин. Хусусан, Хитой Халқ демократик Республикасида коррупцион ҳолатга йўл қўйган мансабдор шахслар муқаррар жазо ўлим жазосига ҳукм қилинса-да, коррупция ҳолатлар ҳалигача учраб турибди.

Халқимизда бир нақл бор — “касални даволагандан унинг олдини олган афзал”. Биз коррупцияга эмас, коррупцияга шарт-шароит яратиб бераётган ҳолатларга қарши курашишимиз ва аҳоли саводхонлигини ошириш орқали коррупцияга қарши курашишни узоқ муддати ва самарали механизми яратишимиз мумкин. Бу механизмни ишлаши давлат органларини ички ва ташқи назорат тартибидаги назорат тизими кенгайтириш билангина чекланмасдан халқ назоратини ҳам кучайтириш мухим роль ўйнайди. Халқ назоратини оммавий ахборот воситаларига эркинлик бериш йўли билан амалга оширишимиз мумкин.

Бугунги кунда мамлакатимизда учраётган коррупция ҳолатлари мансабдор шахслар ёки пора таклиф қилаётган шахсларнинг ҳуқуқий онги пастлигидан келиб чиқаётганлиги йўқ, улар коррупция ва пора бериш оқибатлари ҳақида била туриб мазкур жиноятга қўл уришмоқда.
Биз аҳолини коррупцияга нисбатан дунёқарашини ўзгартириш орқали аҳоли саводхонлигини оширишимиз ва коррупцияга шарт-шароит яратиб бераётган ҳолатларни бартараф қилишимиз мумкин бўлади.

Рустам Қурбанбаев,

Беруний туманлараро иқтисодий суди раиси 

Нукус гарнизонида “Зўравонликка дарҳол барҳам берамиз” шиори остида тарғибот тадбири ўтказилди

Нукус ҳарбий суди ташаббуси билан мамлакатимизда гендер тенгликни таъминлаш, зўравонликка идоралараро жавоб қаётаришнинг самарадорлигини ошириш, юртимизда зўравонликдан жабр кўрган хотин-қизларни қўллаб-қувватлаш бўйича олиб борилаётган ишларни оммага кенг тарғиб этиш мақсадида Нукус ҳарбий госпитали шифокор ва ҳамширалари иштирокида “Зўравонликка дарҳол барҳам берамиз” шиори остида давра суҳбати ўтказилди.

Тадбирда Нукус ҳарбий суди раиси Санджар Кушатов ҳамда Қорақалпоғистон Республикаси судининг фуқаролик ишлари бўйича судлов ҳаъйти судьяси Зулфия Бабаджанова мамлакатимизда олиб борилаётган кўламли ислоҳотлар жараёнида эркак ва аёлларнинг тенг ҳуқуқлиги кафолатларини таъминлаш, гендер тенглигига катта эътибор қаратилаётгани эвазига бугунги кунда давлат бошқаруви органлари ва ҳокимиятнинг бошқа бўғинларида аёллар юқори лавозим ва мартабаларга эришаётгани, хотин-қизлар ва эркаклар учун тенг ҳуқуқ ҳамда имкониятлар кафолатлари таъминланаётганини эътироф этишди.

Гендер – хотин-қизлар ва эркаклар ўртасидаги муносабатларнинг жамият ҳаёти ва фаолиятининг барча соҳаларида, шу жумладан сиёсат, иқтисодиёт, ҳуқуқ, мафкура ва маданият, таълим ҳамда илм-фан соҳаларида намоён бўладиган ижтимоий жиҳат ҳисобланади.

Хотин-қизларнинг меҳнат ҳуқуқларини ҳимоя қилиш кафолатларини кучайтириш мақсадида 2019 йилдан бошлаб, аёллар меҳнатини муайян соҳа ёки касбларда қўллаш бўйича тақиқлар бекор қилингани, эркак ва аёллар ҳуқуқлари тенглигининг бузилиши билан боғлиқ ишларнинг судларда кўриб чиқилишида аёлларга адвокатлар томонидан кўрсатиладиган юридик хизмат учун ҳақ уларнинг хоҳишига кўра давлат ҳисобидан қопланиши ва қонунчиликда рўй берган бир қатор бошқа ўзгаришлар сабаб, мунис ва мўътабар аёлларимизнинг жамиятда тутган ўрни янада юксалди.

Шунингдек, соҳа мутахассислари томонидан 9 декабрь – Халқаро коррупцияга қарши кураш кунига бағишлаб, иштирокчиларга пора олиш, пора бериш ва пора олиш-беришда воситачилик қилиш учун қонунчиликда мавжуд қатъий чора-тадбирлар хусусида батафсил маълумотлар етказилди.

Давра суҳбати давомида иштирокчилар қизиқтирган саволларига жавоблар олишди.