ADVOKATLAR MENEN USHÍRASÍWDA JOQARÍ SUD PLENUMÍ QARARLARÍ TALQÍLANDÍ
Qaraqalpaqstan Respublikası hákimshilik sudınıń sudyaları R.Xudaybergenova hám J.Aymaganbetovalar tárepinen Advokatlar palatası Qaraqalpaqstan Respublikası aymaqlıq basqarmasında advokatlar menen ushırasıw shólkemlestirildi.
Ushırasıwdıń tiykarǵı maqseti – Ózbekstan Respublikası Joqarǵı sudı Plenumı tárepinen qabıl etilgen ayırım áhmietli qararlardıń mazmunın advokatlarǵa túsindiriwden ibarat boldı.
Sudyalar ushırasıw dawamında Joqarǵı sud Plenumınıń «Tólewge qábiletsizlik haqqında»ǵı Ózbekstan Respublikası Nızamı normaların qollanıwdıń ayırım máseleleri haqqında»ǵı 13-sanlı qararınıń áhmietine toqtap ótti. Sonday-aq, «Ózbekstan Respublikası joqarı sudı Plenumınıń «Dáliylerdiń maqullıǵına baylanıslı jınayat-processual nızam normaların qollanıwdıń ayırım máseleleri haqqında»ǵı 14-sanlı, «Shańaraq hám hayal-qızlardı qollap-quwatlawǵa baylanıslı nızam hújjetlerine ózgerisler hám qosımshalar kirgiziliwi múnásibeti menen Joqarı sud Plenumınıń ayırım qararlarına ózgerisler hám qosımshalar kirgiziw haqqında»ǵı 15-sanlı qararlarınıń mazmunı haqqında keń túsinikler berildi.
Ushırasıw dawamında advokatlar ózlerin qızıqtırǵan sorawlarǵa huqıqıy tiykarlanǵan juwaplar aldı.