SUD-HUQÍQ SISTEMASÍNDA JÍINAYAT-ORÍNLAW NÍZAMSHÍLÍǴÍ BOYÍNSHA ÁMELGE ASÍRÍLÍP ATÍRǴAN REFORMALAR
Altınshı regionallıq aymaq 2-sanlı tergew qamaqxanasınıń jeke quramı qatnasıwında «Sud-huqıq sistemasında jınayat-orınlaw nızamshılıǵı boyınsha ámelge asırılıp atırǵan reformalar» atamasında seminar shólkemlestirildi.
Ilajda jınayat isleri boyınsha Taqıyatas rayonı sudınıń baslıǵı L.Otegenova qatnasıp, sud sistemasın liberallastırıw, onıń erkinligin támiyinlew, nızam ústinligin qarar taptırıw hám insan huqıqların qorǵaw baǵdarında mámleketimizde ámelge asırılıp atırǵan túpkilikli reformalar haqqında hár tárepleme maǵlıwmat berdi. Sudya tárepinen dáslepki tergew basqıshında sud qadaǵalawın kúsheytiw, puqaralardıń huqıqları menen erkinliklerin kepillewge qaratılǵan nızamshılıqtaǵı ózgerisler haqqında da hár tárepleme pikir-usınıslar bildirildi.
Sonday-aq, seminarda 2025-jıl 21-avgust kúni Ózbekstan Respublikası Prezidentiniń qolı menen qabıl etilgen eki áhmiyetli párman-«Sudlardıń jumısına jasalma intellekt texnologiyaların engiziw arqalı ádil sudlaw dárejesin arttırıw hám sud sistemasınıń materiallıq-texnikalıq támiynatın jaqsılawǵa baylanıslı ilajlar,» «Ádil sudlaw tarawında joqarı maman kadrlar tayarlaw sistemasın jetilistiriw ilajları» mazmun-mánisi boyınsha huqıqıy túsinikler berildi.
Bul seminar xızmetkerlerdiń huqıqıy sawatlılıǵın arttırıw, jınayat-orınlaw sistemasındaǵı reformalardı ámeliyatqa engiziwde úlken áhmiyetke iye.