BITIRUVCHILAR BILAN UCHRASHUV
Jinoyat ishlari bo‘yicha Qo‘ng‘irot tumani sudining raisi E.Berdiyev, shu sudning tergov sudyasi B.Aymuratov, Qo‘ng‘irot tumanlararo iqtisodiy sudining sudyasi D.Davletov, fuqarolik ishlari bo‘yicha Qo‘ng‘irot tumanlararo sudi sudyasi N.Akimniyazovlar tomonidan Qo‘ng‘irot tumani «Suwenli» OFY hududida joylashgan 12-sonli o‘rta ta’lim maktabida ushbu maktabning bitiruvchi sinf o‘quvchilari bilan uchrashuv o‘tkazildi.
Unda asosiy e’tibor yoshlarning kelgusida o‘qib, bilim olishi uchun davlatimiz tomonidan yaratib berilgan imkoniyatlardan to‘g‘ri foydalanish, jinoyatchilik va huquqbuzarlikning oldini olishga qaratildi. Xususan, hozirgi vaqtda voyaga yetmaganlar o‘rtasida sodir etilayotgan jinoyatlar, uning oldini olish, ma’muriy huquqbuzarliklar, ma’muriy javobgarlikka tortish yoshi, subyektlari haqida ham tushunchalar berildi.
Shuningdek, sudyalar tomonidan ma’muriy jazo va uning turlari haqida ma’ruzalar o‘qildi.