MÁHÁLLEDE KÓSHPELI SUD MÁJILISI ÓTKERILDI
Ámiwdárya rayonındaǵı “Durunki” mákan puqaralar jıyını imaratında jınayat isleri boyınsha Ámiwdárya rayonı sudınıń tergew sudyası Donaxan Yusupovanıń basshılıǵında, sudya járdemshisi Elyor Jumaniyazovtıń xatkerliginde ashıq kóshpeli sud májilisi ótkerildi.
Ashıq kóshpeli sud májilisinde Ámiwdárya rayonı Ishki isler bólimi tárepinen usınılǵan jámi 13 hákimshilik huqıqbuzarlıqqa baylanıslı isler kórip shıǵıldı.
Sonıń ishinde, Ózbekstan Respublikası Hákimshilik juwapkershilik haqqındaǵı Kodeksiniń 183-statyasında kórsetilgen (mayda biyzarılıq) huqıqbuzarlıqtı islegen 5 shaxstıń qarsısına toplanǵan hákimshilik huqıqbuzarlıq is materialları kórip shıǵıldı hám 3 shaxsqa hákimshilik qamaq jazası, 2 shaxsqa hákimshilik járiyma jazası tayınlandı.