14 SHAXSTÍŃ QARSÍSÍNA TOPLANǴAN HÁKIMSHILIK HUQÍQBUZARLÍQ HAQQÍNDAǴÍ ISLER KÓSHPELI SUD MÁJILISINDE KÓRIP SHÍǴÍLDÍ
Jınayat isleri boyınsha Qaraózek rayon sudınıń tergew sudyası R.Matqurbanovtıń basshılıǵında Qaraózek rayonı «Jaslar orayı» imáratında kóshpeli ashıq sud májilisi ótkerildi.
Sud májilisde Ózbekstan Respublikası Hákimshilik juwapkershilik haqqındaǵı kodekstiń 183-statyası, 194-statyası hámde basqada statyaları menen 14 shaxstıń qarsısına toplanǵan hákimshilik huqıqbuzarlıq haqqındaǵı isleri kórip shıǵıldı. Onda is materialları hár tárepleme úyrenilip, tiyisli hákimshilik jaza tayınlandı. Sonday-aq, 2 shaxstıń qarsısına toplanǵan hákimshilik isi boyınsha hákimshilik qamaq jazası tayınlandı.
Bunnan soń, sudya tárepinen puqaralarǵa huqıqbuzarlıq hám jınayatshılıqtıń aldın alıw boyınsha keńnen túsinik berilip, hár qanday qılmıs jazasız qalmaytuǵınlıǵı, oǵan jaza tayınlıǵı uqtırıldı.
