SUDYALAR RAYON ORAYÍNAN ALÍSTA JASAWSHÍ AYMAQ TURǴÍNLARÍ MENEN USHÍRASTÍ
Jınayat isleri boyınsha Taqıyatas rayonı sudı baslıǵı L.Otegenova, usı sudtıń tergew sudyası A.Davletov, puqaralıq isleri boyınsha Nókis rayonlararalıq sudınıń baslıǵı M.Sapaev, Nókis rayonlararalıq ekonomikalıq sudınıń sudyası B.Baymuratovlar Taqıyatas rayonındaǵı “Keneges” hám “Saraykól” awıl puqaralar jıyınları turǵınları menen ushırastı. Onda puqaralardıń sud-huqıq máselelerine baylanıslı múrájatları tıńlandı.
Sudyalar rayon orayınan alısta jasaytuǵın aymaqlarǵa barıp, xalıqtıń múrájatların tıńlawı, adamlardıń uzaǵın jaqıl, awırın jeńil etiwge xızmet etedi. Sonıń menen birge, olardı kóp waqıttan berli qıynap kiyatırǵan mashqalaların tikkeley sheshiw imkaniyatın beredi.
Ushırasıwda puqaralardıń tarawǵa baylanıslı múrájatları tıńlandı, ayırımlarına tiyisliligi boyınsha huqıqıy másláhatlerde berildi. Sonday-aq, nızamshılıqtaǵı keying ózgerisler de keń túrde tanıstırıldı.
Álbette, xalıq penen usınday ashıqtan-ashıq sóylesiw olardıń ádil sudlawǵa degen isenimin jáne de bekkemlewge járdem beredi.
