KÓSHPELI SUD MÁJILISI ÓTKERILDI
Nókis rayonlar aralıq hákimshilik sudınıń sudyası S.Karamatdinova tárepinen Byudjetten tısqarı pensiya qorı Ámiwdárya rayonı bóliminde kóshpeli ashıq sud májilisi ótkerildi.
Onda rayonda jasawshı tórt puqaranıń Byudjetten tısqarı pensiya qorı Ámiwdárya rayonı bólimi qararların haqıyqıy emes dep tabıw hám minnetleme júklew haqqındaǵı arzaları kórip shıǵıldı. Nátiyjede eki arza beriwshi puqaranıń pensiya tayınlawda esapqa alınbay qalǵan is stajlarınıń ayırım dáwirlerinde májbúriy qamsızlandırıw tólemleri tólengenligi anıqlanǵan. Sud májilisinde is hújjetleri úyrenip shıǵılıp, puqara R.R hám J.A.lardıń arzaların qısman qanaatlandırıw haqqında sheshiwshi qarar qabıl etildi.
Sud májilisi juwmaqlanǵannan soń, sudya tárepinen Ózbekstan Respublikası Joqarǵı sudı Plenumınıń 2024-jıl 16-dekabr kúngi “Ózbekstan Respublikası Joqarǵı sudı Plenumı hám Ózbekstan Respublikası Joqarǵı xojalıq sudı Plenumınıń ayrım qararlarına ózgeris hám qosımshalar kirgiziw haqqında” ǵı 39-sanlı qararı menen Ózbekstan Respublikası Joqarǵı sudı Plenumınıń 2017-jıl 29-noyabr kúngi “Mámleketlik pensiya támiynatı menen baylanıslı isler boyınsha sud ámeliyatı haqqında”ǵı 44-sanlı qararına ózgeris kirgizilgenligi aytıp ótilip, usı qararlardıń mazmunı hám áhmiyeti túsindirildi.