PUQARALÍQ ISLERI BOYÍNSHA NÓKIS RAYONLARARALÍQ SUDÍNDA «SUD HÁM JASLAR» ILAJÍ ÓTKERILDI
«Sud hám jaslar» ilajı – jaslardıń huqıqıy sawatlılıǵın arttırıw hám tarawǵa bolǵan qızıǵıwshılıǵın bekkemlewde áhmiyetli ilajlardan biri bolıp esaplanadı. Puqaralıq isleri boyınsha Nókis rayonlar aralıq sudında ótkerilgen mine usınday ilajǵa Ájiniyaz atındaǵı Nókis mámleketlik pedagogikalıq institutı janındaǵı 2-sanlı akademiyalıq liceydiń huqıqtanıw baǵdarında oqıp atırǵan oqıwshılar mirát etildi.
Sudlarda bunday ilajdıń ótkeriliwi jaslardı huqıqıy processler menen tanıstırıw, taraw jumısların túsindiriwge úlken úles qosadı. Ilajda sudyalar M.Adilova, J.Baltabaeva, S.Aytniyazova hám R.Xanpolatovalar sud proceslerinde jaslardıń huqıqları, puqaralıq islerdi kóriwdiń ózine tán ózgeshelikleri haqqında maǵlıwmatlar berdi.
Sudyalar jaslar menen sáwbetlesip, olarǵa sud processlerin tikkeley baqlaw imkaniyatın da jarattı.