ÓZBEKSTAN RESPUBLIKASÍ KONSTITUCIYASÍNÍŃ QABÍL ETILGENLIGINE 32 JÍL TOLDÍ

Nókis kánshilik institutı májlisler zalında Ózbekstan Respublikası Konstituciyasınıń qabıl etilgenligine 32 jıl tolıwı múnásibeti menen ushırasıw keshesi bolıp ótti.

 

Ushırasıwdı Nókis kánshilik institutı direktorı A.Kaipbergenov kiris sóz benen ashıp berdi. Soń Ózbekstan hám Qaraqalpaqstan Respublikasınıń mámleketlik gimnleri jańladı.

Oǵan Qaraqalpaqstan Respublikası Joqarǵı Keńesiniń komitet baslıǵı I.Sdikov, Qaraqalpaqstan Respublikası Ishki isler ministriniń orınbasarı B. Izbasarov, Qaraqalpaqstan Respublikası Sudınıń sudyası U. Sabirov, sonday-aq, instituttıń professor-oqıtıwshıları, tyutorlar hám student-jaslar qatnastı.

 

 

Ilajda qániygeler sózge shıǵıp, konstituciya óziniń tereń oylanǵan principleri hám qaǵıydaları menen ajıralıp, elimizdiń táǵdirin, hár bir insannıń huqıq hám erkinliklerin belgilewde áhmiyetli hújjet ekenligi haqqında toqtalıp ótti. Sonday-aq, jańa redakciyadaǵı Konstituciya mámleketimiz rawajlanıwı, jámiyettiń rawajlanıwı, insan huqıq hám erkinliklerin qorǵaw, nızamlılıq hám sud hákimiyatınıń shın mánisindegi ǵárezsizligin támiyinlewde áhmiyetli orın tutatuǵınlıǵın atap ótti.

 

Itibarlı tárepi sonda, Bas Nızamımızdıń 15-statyasına kirgizilgen ózgerislerge muwapıq, elimizde Konstituciya hám nızamlardıń ústinligi sózsiz tán alınadı. Tiykarǵı nızam mámlekettiń pútkil aymaǵında joqarı yuridikalıq kúshke iye, tikkeley ámel etedi hám birden-bir huqıqıy túp-tiykarın quraydı.