WAQTÍNDA QAYTARÍLMAǴAN QARÍZDARLÍQ ÓNDIRILDI
Beruniy rayonlar aralıq sudınıń usı jıl 29-apreldegi qararı menen qarızdar “Amudaryotex” juwapkershiligi sheklengen jámiyetinen óndiriwshi akcionerlik-kommerciyalıq “Agrobank”tiń Ámiwdárya rayonlıq bóliminiń paydasına 12 milliard 311 million 18 mıń sumnan aslam kredit qarızın óndiriw belgilendi.
Májbúriy orınlaw byurosı Ámiwdárya rayonlıq bólimi tárepinen qarızdar juwapkershiligi sheklengen jámiyetine hújjet talabın orınlaw ushın 15 kúnlik ıqtıyarıy múddet berildi. Usı múddet ishinde kestege muwapıq kredit óz waqtında qaytarılmadı. Nátiyjede orınlaw hújjeti talabı orınlanbaǵanlıǵı ushın banktiń esap betine elektron inkasso qoyıldı hám barlıq esap betleri bánt etildi. Usınıń nátiyjesinde óndiriliwi tiyis bolǵan qarızdarlıq tolıq óndirilip, sudtıń qararı ámelde orınlandı.