PLENUM QARARÍ ORÍNLARDA TÚSINDIRILMEKTE
Ózbekstan Respublikası «Sudlar haqqında»ǵı nızamınıń 25-statyasına muwapıq, nızamshılıqtı qollaw máseleleri boyınsha Ózbekstan Respublikası Joqarǵı sudı Plenumınıń túsindirmeleri sudlar, usı túsindirme berilgen nızamshılıqtı qollap atırǵan mámleketlik uyımlar hám basqada uyımlar, mekeme, shólkemler hámde lawazımlı shaxslar ushın májbúriy bolıp esaplanadı.
Ózbekstan Respublikası Joqarǵı sudı Plenumı tárepinen 2024-jıl 25-iyunda «Sudlar tárepinen hákimshilik islerdi reviziya tártibinde kɵriwdiń ayırım máseleleri haqqında»ǵı qararı qabıl etildi. Mine usı Plenum qararınıń mazmunı hám áhmiyetin keńnen túsindiriw maqsetinde Qaraqalpaqstan Respublikası hákimshilik sudınıń sudyası J.Aymaganbetova tárepinen Qaraqalpaqstan Respublikası Transport ministrliginde seminar ótkerildi.
Onda hákimshilik islerdiń reviziya tártibinde qayta kóriliwi sud hújjetleriniń nızamlılıǵı hám tiykarlılıǵı, sudlar tárepinen materiallıq huqıq normaları durıs qollanılıwın hám processual nızam talaplarına ámel etiliwin támiyinlewshi huqıqıy instituttıń áhmiyetli bólegi ekenligi ayrıqsha atap ótildi. Sud qararları ústinen reviziya tártibinde shaǵım etiw (protest keltiriw) huqıqına iye bolǵan shaxslardıń dizimi Ózbekstan Respublikası Hákimshilik sud islerin júritiw haqqındaǵı kodekstiń 249-statyasında kórsetilgenligi de maǵlıwmat sıpatında keltirildi.
Ilajda qatnasıwshılar ushın áhmiyetli bolǵan maǵlıwmatlar keltirilip, ámeliy mısallar menen túsindirildi. Plenum qararı hám onnan kelip shıǵatuǵın máseleler boyınsha sudya qatnasıwshılardıń sorawlarına juwap berdi.