«BASSHÍ HÁM JASLAR» USHÍRASIWÍ ÓTKERILDI
Xojeli rayonı hákimliginde «Basshı hám jaslar» atamasında ushırasıw shólkemlestirildi. Onda rayon hákimi J.Ermashev, jınayat isleri boyınsha Xojeli rayonı sudınıń baslıǵı S.Davletmuratov, rayon prokurorı A.Xalimov, ishki isler bólimi baslıǵı B.Xaytbaev hám basqa da juwapker shólkemlerdiń basshıları hám jaslar qatnastı.
Ushırasıw dawamında jaslardı qollap-quwatlaw, olardıń bántligin támiyinlew hám huqıqıy sanasın arttırıw baǵdarında ámelge asırılıp atırǵan jumıslar dodalandı. Sonday-aq, tarawda jol qoyılǵan kemshilikler boyınsha juwapkerlerge tiyisli kórsetpeler berildi.
Bunnan soń, jaslardıń múrájatları tıńlanıp, olardıń mashqalaların sheshiw boyınsha juwapkerlerge anıq wazıypalar júklendi.
Ushırasıw juwmaǵında hár bir jas penen mánzilli islesiw hám olardı hár tárepleme qollap-quwatlaw tiykarǵı wazıypa ekeni ayrıqsha atap ótildi.
