Pirotexnika quralları sawdası menen nızamsız shuǵıllanıw mámleketimizdiń ámeldegi nızamları menen qadaǵan etilgen. Biraq ayrım puqaralar bile tura, usı is arqalı payda tabıwǵa urınbaqta.

Jınayat isleri boyınsha Shomanay rayonı sudı tárepinen puqara I.T qarsısına Ózbekstan Respublikası hákimshilik juwapkershilik haqqındaǵı kodeksiniń 185/1-statyası menen hákimshilik is kórip shıǵıldı.

Kodekste Pirotexnika buyımların nızamǵa qayshı túrde islep shıǵarıw, tayarlaw, saqlaw, tasıw, jónetiw, olardan paydalanıw, jáne de olardı nızamǵa qayshı túrde Ózbekstan Respubublikasına alıp kiriw yáki ótkeriw–huqıqbuzarlıq dálillerin konfiskaciya etip, bazalıq esaplaw muǵdarınıń bes esesinen jigirma bes esesine shekem muǵdarda jariyma salıwǵa sebep boladı.

Sud processi dawamında puqara I.T ózine qoyılǵan ayıptı tán alıp oǵan qarata Ózbekstan Respublikası hákimshilik juwapkershilik haqqındaǵı kodeksiniń 185/1-statyası sheńberinde tiyisli shara kórildi.

 

Rasul Nazarov,

Jınayat isleri boyınsha
Shomanay rayonı sudı baslıǵı