QONUNCHILIKDAGI YANGILIKLAR TUSHUNTIRILDI
Qoraqalpog‘iston Respublikasi ma’muriy sudining sudyalari K.Xojamuratov va R.Xudaybergenovalar Nukus shahri hokimligi xodimlari bilan uchrashdi.
Unda qonunchilikdagi so‘nggi yangilik va o‘zgarishlar haqida so‘z bordi. Xususan, O‘zbekiston Respublikasi Oliy sudi Plenumining 2025 yil 29 apreldagi «Ma’muriy sudlar tomonidan qonuniy kuchga kirgan sud hujjatlarini yangi ochilgan holatlar bo‘yicha qayta ko‘rishni tartibga soluvchi qonun hujjatlarini qo‘llash to‘g‘risida»gi 9-sonli qarori va «O‘zbekiston Respublikasi Oliy sudi Plenumi va O‘zbekiston Respublikasi Oliy xo‘jalik sudi Plenumining ayrim qarorlariga o‘zgartish va qo‘shimchalar kiritish to‘g‘risida»gi 10-sonli qarorining, «»Aholiga sud muhokamalarida masofadan ishtirok etish uchun yanada qulay sharoitlar yaratilishi munosabati bilan O‘zbekiston Respublikasining ayrim qonun hujjatlariga o‘zgartirishlar kiritish to‘g‘risida»gi O‘RQ-1047-sonli Qonunining mazmuni va ahamiyati keng tushuntirib berildi.
