SUD HUJJATLARINING IJROSINI TA’MINLASH MASALALARIGA BAG’ISHLANDI

SUD HUJJATLARINING IJROSINI TA’MINLASH MASALALARIGA BAG’ISHLANDI

Beruniy tumanlararo iqtisodiy sudining raisi R.Qurbanbaev hamda sudya B.Ubaydullaevlar tomonidan Majburiy ijro byurosi Beruniy tuman bo‘limida yig’ilish o‘tkazildi.

 

Tadbirda asosiy mavzu sifatida sud tomonidan yuborilgan, davlat foydasiga undirilishi lozim bo‘lgan mablag’larni to‘liq undirilishi taminlash hamda “Sud hujjatlari va boshqa organ hujjatlarini ijro etish to‘g’risida”gi Qonunning 8,24-moddasiga asosan qaytarilgan ijro hujjatlari yuzasidan tushuntirish berildi.

 

Iqtisodiy sudlar tomonidan Majburiy ijro byurolariga yuborilayotgan davlat bojini undirish bilan bog’liq ijro hujjatlarini ijrosi bo‘yicha Beruniy tumanida foiz ko‘rsatkichi yaxshi emasligi, bu bo‘yicha haftalik nazorat o‘rnatilganligini aytib o‘tdi.

 

Shuningdek, Beruniy tumanlararo iqtisodiy sudi tomonidan Majburiy ijro byurosi Beruniy tuman bo‘limiga yuborilayotgan ijro hujjatlarini “Sud hujjatlari va boshqa boshqa organ hujjatlarini ijro etish to‘g’risida”gi Qonunning 8, 24-moddalariga asosan qaytarilayotganligiga alohida to‘xtalib, sud hujjatlari asossiz qaytarilishini bartaraf etilishini ta’minlash, yuborilgan ijro hujjatlarida kamchilik aniqlangan taqdirda, buni batafsil asoslab, elektron ma’lumotlar bazasiga kiritilishi yuzasidan tushuntirishlar berildi.