PITKERIWSHILER MENEN USHÍRASÍW
Jınayat isleri boyınsha Qońırat rayonı sudınıń baslıǵı E.Berdiev, usı sudtıń tergew sudyası B.Aymuratov, Qońırat rayonlar aralıq ekonomikalıq sudınıń sudyası D.Davletov, puqaralıq isleri boyınsha Qońırat rayonlararalıq sudı sudyası N.Akimniyazovlar tárepinen Qońırat rayonı «Súwenli» APJ aymaǵında jaylasqan 12-sanlı orta bilim beriw mektebinde usı mekteptiń pitkeriwshi klass oqıwshıları menen ushırasıw ótkerildi.
Onda baslı itibar jaslardıń keleshekte oqıp, bilim alıwı ushın mámleketimiz tárepinen jaratıp berilgen imkaniyatlardan durıs paydalanıw, jınayatshılıq hám huqıqbuzarlıqtıń aldın alıwǵa qaratıldı. Atap aytqanda, házirgi waqıtta jas óspirimler ortasında júz berip atırǵan jınayatlar, onıń aldın alıw, hákimshilik huqıqbuzarlıqlar, hákimshilik juwapkershilikke tartılıw jası, subektleri haqqında da túsinikler berildi.
Sonday-aq, sudyalar tárepinen hákimshilik jaza hám onıń túrleri haqqında bayanatlar oqıldı.