NIZAMSHÍLÍQTAǴÍ JAŃALÍQLAR TANÍSTÍRÍLDÍ
Qaraqalpaqstan Respublikası hákimshilik sudınıń sudyası J.Aymaganbetova hám Nókis rayonlar aralıq hákimshilik sudı sudyasınıń járdemshisi G.Berdiyeva tárepinen Qaraqalpaqstan Respublikası Ekologiya, qorshaǵan ortalıqtı qorǵaw hám klimat ózgeriwi ministrliginde ushırasıw ótkerildi.
Ushırasıwda Ózbekstan Respublikası Prezidentiniń 2025-jıl 30-yanvardaǵı PQ-33-sanlı «Puqaralar hám isbilermenlik subektleriniń huqıqların sud arqalı qorǵawdıń zamanagóy mexanizmlerin engiziw boyınsha qosımsha ilajlar haqqında»ǵı qararı, sonday-aq, Ózbekstan Respublikası Joqarǵı sudı Plenumınıń 2024-jıl 16-dekabrdegi «Ózbekstan Respublikası Joqarǵı sudı Plenumı hám Ózbekstan Respublikası Joqarǵı xojalıq sudı Plenumınıń ayırım qararlarına ózgerisler hám qosımshalar kirgiziw haqqında»ǵı qararı haqqında tolıq maǵlıwmatlar berildi.
