Puqara ne ushın qamaldı?
Jınayat isleri boyınsha Kegeyli rayonı sudı tárepinen Jınayat isleri boyınsha Kegeyli rayonı sudı baslıǵı R.Bekmuratova, sudya járdemshisi I.Matkurbanovtıń xatkerliginde, hákimshilik juwapkershilikke tartılıp atırǵan S.M nıń qatnasında Ózbekstan Respublikası Ózbekstan Respublikası Hákimshilik juwapkershilik haqqındaǵı Kodeksiniń 474-statyasında názerde tutılǵan hákimshilik huqıqbuzarlıqtı islegenligi júzesinen hákimshilik isi ashıq sud májlisinde kórip shıǵıldı.
1990-jılı Kegeyli rayonında tuwılǵan, Ózbekstan Respublikası puqarası, waqtınsha jumıssız S.M Shımbay rayonlar aralıq puqaralıq isleri boyınsha sudınıń 2021-jıl 21-may kúngi sud buyrıǵına tiykar óndiriwshi Sh.K nıń paydasına onıń qaramaǵındaǵı bir perzentiniń támiynatı ushın hár ayda jámi dáramatınıń 1/4 (tórtten bir) bólegi muǵdarında aliment óndiriliwi belgilengenligine hámde bul haqqında mámleketlik orınlawshısı tárepinen bir neshe márte jazba túrde eskertiwlerine qaramastan, 2022-jıl 24-dekabr kúninen 2023-jıl 1-aprel kúnine shekem jámi 2.850.851 swm muǵdarında aliment pulların tólewden qastan bas tartıp kelgen.
Sorastırıw uyımı tárepinen anıqlanǵan halat boyınsha S.Mnıń karsısına Ózbekstan Respublikası Hákimshilik juwapkershilik haqqındaǵı Kodeksiniń 474-statyası menen hákimshilik is materialı toplanıp sudqa ótkerilgen.
Sud májilisinde hákimshilik juwapkershilikke tartılıp atırǵan S.M aliment pulların tóley almaslıǵın, jaǵdayı joq ekenligin bayan etip kórsetpe berdi.
Sud hákimshilik is hujjetlerin úyrenip shıǵıp, qarar etti. Yaǵnıy, S.M Ózbekstan Respublikası Ózbekstan Respublikası Hákimshilik juwapkershilik haqqındaǵı Kodeksiniń 474-statyasında názerde tutılǵan huqıqbuzarlıqtı islegen dep tabılsın hám oǵan usı statya menen 15 (on bes) sutka hákimshilik qamaq jazası tayınlandı. S.M nan óndiriwshi Sh.K nıń paydasına óndiriliwi lazım bolǵan aliment pulların puqaralıq isleri boyınsha Shımbay rayonlararalıq sudınıń 21.05.2021-jılǵı sud buyrıǵına tiykarında shıǵarılǵan orınlaw hújjeti házirgi waqıtta óz kúshinde bolǵanlıǵı sebepli “Sud hújjetleri hám basqa organ hújjetlerin orınlaw haqqında”ǵı Ózbekstan Respublikası Nızamı talaplarına muwapıq ulıwma tártipte óndiriliwi dawam ettiriliwi belgilendi.
Qararǵa narazı tárep, qarar oqıp esittirilgen kúnnen baslap jigirma sutka ishinde, ózine qarata qarar shıǵarılǵan shaxs hám jábirleniwshi bolsa qarar kóshirmesin alǵan waqıttan baslap sol múddet ishinde, usı sud arqalı Ózbekstan Respublikası Ózbekstan Respublikası Hákimshilik juwapkershilik haqqındaǵı Kodeksiniń 3243-statyası talapları tiykarında Qaraqalpaqstan Respublikası sudınıń jınayat isleri boyınsha sudlaw kollegiyasına apellyaciyalıq tártipte shaǵım arza, prokuror protest keltiriwge haqılı ekenligi sud májilisi qatnasıwshılarına túsindirildi.
Raysa Bekmuratova,
Jınayat isleri boyınsha Kegeyli rayonı sudı baslıǵı