Nuraniylerimiz hámiyshe itibarda
Jası úlkenlerdi sıylaw adamgershiliktiń eń joqarı pazıyleti. Ásirese, óziniń pidayılıǵı hám kishipeyilligi, talapshańlıǵı menen tek óziniń tarawı boyınsha emes, al jámiyetten de múnásip orın iyelegen, búgingi kúnde eli-xalqınıń ardaqlı nuraniyine aylanǵan jası úlkenlerimizdi qanshama qádirlep, húrmet kórsetsek arzıydı.
Qaraqalpaqtan Respublikası sudları tárepinen Eslew hám kádirlew kúni múnásibeti menen sud tarawında jemisli miynet etip, búgingi kúnde húrmetli dem alıstaǵı nuraniyler, sud faxriylarınıń atap aytqanda, P.Aytniyazov, M.Tajibaev, R.Qurbanova, Q.Ilyasov, A.Bazarbaeva, J.Abdirimova, Q.Muxanovlardıń xal jaǵdaylarınan xabar alınıp, bayram menen qutlıqlap, olarǵa sıy-húrmet kórsetildi.
Bayram sebep diydarlasqan ustaz hám shákirtler ótken kúnlerdi eslep, búgingi tınısh tatıw hám abadan turmısqa shúkirlik etti.
“Biz kórgen qıyınshılıq, qısıwmetlerdi sizler kórmegeysiz. Elede aldıńızda bunnan da aydın keleshek bar. Tek alǵa umtılıp, ádillikti ózlerińizge qorǵan etińler!,-dep pátiyaǵa qol jayǵan nuraniyler ózleriniń eń jaqsı tileklerin bildirdi.
Álbette, ornı hámiyshe tórde jarasıqlı bul taraw pidayılarınıń islegen xızmetleri biz ushın úlgi mektebi. Olardan órnek alıp, aqıl-násiyatları menen keleshekke elede isenimli qádem qoyamız.
Qaraqalpaqtan Respublikası sudı