SOCIALLÍQ TARMAQLARDA JÁRIYALANǴAN BILDIRGI BOYÍNSHA
Ayırım málimleme dáreklerinde puqaralıq isleri boyınsha Beruniy rayonlararalıq sudında kórilip atırǵan is tiykarsız túrde sozılǵanı haqqında tarqatılǵan maǵlıwmatlar haqıyqatqa tuwra kelmeydi.
Puqara G.Tashimovanıń «TILLA-MAKON» JShJ hám «KÓCHMAS MULK SAVDO XIZMATI» JShJ Xorezm filialına qarata aldı-sattı shártnamasın haqıyqıy emes dep tabıw haqqındaǵı dawa arzası 2025-jıl 10-iyul kúni sudqa kelip túsken hám is belgilengen tártipte qozǵatılǵan.
Is bir neshe sud májilislerinde kórip shıǵılǵan bolıp, juwapkerlerden biriniń mánzilin anıqlaw zárúrligi hám sud-psixiatriya ekspertizası tayınlanıwı sebepli nızamshılıqqa muwapıq múddetler sozdırılǵan hám isti kóriw waqtınsha toqtatılǵan.
2025-jıl 28-noyabr kúni dawager tárepinen qosımsha dawa arzası kirgizilgen bolıp, sud procesinde dawdı sudqa shekem sheshiw tártibine ámel etilmegeni anıqlanǵan. Usı tiykarda dawa arzası sudtıń uyǵarıwı menen kórmesten qaldırılǵan.
Bul uyǵarıw ústinen házirge shekem shaǵım keltirilmegen.
Qaraqalpaqstan Respublikası sudınıń baspasóz xızmeti