QONUNGA MUHIM OZGARTISH VA QOSHIMCHALAR KIRITILDI
Qoraqalpog’iston Respublikasi sudida prokuratura organlari bilan hamkorlikda amaliy seminar bo‘lib o‘tdi. Unda Qoraqalpog’iston Respublikasi sudining sudyalari hamda prokuraturaning mas’ul xodimlari ishtirok etishdi.
Tadbir davomida “O‘zbekiston Respublikasining ayrim qonun hujjatlariga sudlarda ishlarni ko‘rishda prokurorning vakolatlarini ta’minlashga qaratilgan o‘zgartish va qo‘shimchalar kiritish to‘g’risida” gi Qonunning mazmun-mohiyati keng muhokama qilindi. Mazkur qonun bilan O‘zbekiston Respublikasining Fuqarolik protsessual kodeksiga davlatning qonun bilan qo‘riqlanadigan manfaatlarini himoya qilish maqsadida prokurorning ishtiroki nazarda tutilgan bir qator muhim o‘zgartish va qo‘shimchalar kiritildi.
Xususan, prokurorga erga oid huquqiy munosabatlar, davlat mulki, davlatga etkazilgan zararning o‘rnini qoplash va davlat byudjetidan undirish bilan bog’liq ishlarda sudlarda ishtirok etish hamda davlat manfaatlarini himoya qilish uchun sudga ariza kiritish huquqi berildi.
Seminar davomida ushbu qonun ijrosini ta’minlashda sud va prokuratura organlarining o‘zaro hamkorligi, prokuror ishtiroki belgilangan ishlarning sud majlislarida ko‘rib chiqilishi tartibi, ushbu vakolatlarning amaliy qo‘llanilishi kabi masalalar yuzasidan tajriba almashildi.