BAYRAMǴA BAǴÍSHLANÍP SALTANATLÍ ILAJ SHÓLKEMLESTIRILDI
Ózbekstan Respublikası Ǵárezsizliginiń 34 jıllıǵı múnásibeti menen Joqarı sudta saltanatlı bayram ilajı bolıp ótti.
Ilaj Mámleketlik gimn menen baslandı. Sud sistemasınıń basshıları – Joqarı sud baslıǵı B.Islamov, Sudyalar joqarı keńesiniń baslıǵı X.Yodgorov hám Sudyalar associaciyasınıń baslıǵı U.Mingbaev jıynalǵanlardı bayram menen qutlıqlap, ǵárezsizlik xalqımızdıń erkin hám abadan turmısqa isenimin bekkemlep atırǵanın atap ótti.
Keyingi jıllarda sud-huqıq tarawında keń kólemli reformalar ámelge asırıldı. Sud jumısınıń ashıq hám ádil bolıwı, sudyalardıń erkinligin támiyinlew, sanlı texnologiyalardı engiziwge úlken itibar qaratılmaqta. Atap aytqanda, jaqında Prezident tárepinen qol qoyılǵan pármanlar sud sistemasında jańa basqıshtı baslap berdi.
Ilajda bir topar sud veteranları hám sud xızmetkerleri «Benuqson xizmati uchun» kókirek belgisi menen sıylıqlandı. Olardıń arasında Qaraqalpaqstan Respublikası hákimshilik sudınıń baslıǵı Amir Nurlipesov ta bar.
Videokonferenciya baylanıs rejiminde ótkerilgen ilajda Qaraqalpaqstan Respublikası sudınıń baslıǵı K.Tarixov usı sıylıqtı óz iyesine saltanatlı túrde tapsırdı.
Bunday itibar hám xoshamet sudya hám xızmetkerlerdiń óz jumısın jáne de nátiyjeli hám juwapkershilikli orınlawına úlken motivaciya boladı.