TARAW WÁKILLERINIŃ QATNASÍWÍNDA SEMINAR ÓTKERILDI
Qaraqalpaqstan Respublikası sudı jınayat isleri boyınsha sudlaw kollegiyasınıń baslıǵı A.Adilovtıń basshılıǵında Respublika Ishki isler ministrliginde seminar shólkemlestirildi. Ilajǵa jınayat isleri boyınsha qala hám rayon sudlarinıń baslıqları, tergew sudyaları hám tergewshiler qatnastı.
Seminarda tiykarǵı itibar hákimshilik huqıqbuzarlıq haqqındaǵı islerdi rásmiylestiriwde jol qoyılıp atırǵan qáte-kemshiliklerdi tallaw, olardı saplastırıw hám keleshektegi wazıypalardı belgilewge qaratıldı.
Qaraqalpaqstan Respublikası sudınıń jınayat isleri boyınsha sudlaw kollegiyası baslıǵı A.Adilov óziniń shıǵıp sóylegen sózinde, hákimshilik huqıqbuzarlıq haqqındaǵı islerdi durıs hám anıq rásmiylestiriw tek ǵana puqaralardıń huqıqları menen máplerin támiyinlew emes, al ádil sudlawdı ámelge asırıwda da áhmiyetli orın iyeleytuǵının ayrıqsha atap ótti.
Bul seminar ámeliyattaǵı mashqalalardı dodalaw hám nızam ústinligin támiyinlewde ayrıqsha áhmiyetke iye boldı.