SUDYALAR KÓSHPELI QABÍLLAW ÓTKERDI
Qońırat rayonlar aralıq ekonomikalıq sudınıń sudyası D.Davletov, Puqaralıq isleri boyınsha Qońırat rayonlar aralıq sudyası N.Akimniyazov hám Jınayat isleri boyınsha Qońırat rayonı sudınıń tergew sudyası B.Aymuratovlar «Elabad» posyolka puqaralar jıyınında aymaq turǵınları ushın kóshpeli qabıllaw ótkerdi.
Onda baslı itibar puqaralardıń sud-huqıq tarawına baylanıslı múrájatların tıńlaw hám unamlı sheshiw arqalı, olardıń ádil sudlawǵa bolǵan isenimin elede bekkemlewge qaratıldı.
Qabıllawda puqaralar sud qararlarınıń orınlanıwı, turaq jaydı atına ótkeriw, aliment óndiriw, pensiya tayınlaw, nekeden ajıratıw, salıq, jer sıyaqlı túrli mazmundaǵı máseleler menen múrájat etti.
Ashıq sáwbetlesiwler dawamında puqaralar sudyalardan ózlerin qızıqtırǵan sorawlarına huqıqıy másláhátler aldı.