SUD QARARLARÍ ORÍNLANÍWÍ MENEN ÁHMIYETLI
Ózbekstan Respublikası Joqarǵı sudı tárepinen Májbúriy orınlaw byurosı menen birgelikte sud hújjetlerin orınlaw barısında júzege kelip atırǵan mashqalalar hám olardı saplastırıw boyınsha usı jıldıń 24 iyun kúni ótkerilgen qospa jıynalıs bayanlamasınıń orınlanıwı hámde Qaraqalpaqstan Respublikası hákimshilik sudı baslıǵı menen Májbúriy orınlaw byurosı Qaraqalpaqstan Respublikası basqarması baslıǵı tárepinen tastıyıqlanǵan Rejege muwapıq Qaraqalpaqstan Respublikası hákimshilik sudları sudyaları hámde Májbúriy orınlaw byurosı Qaraqalpaqstan Respublikası qala (rayon) bólimleri mámleketlik orınlawshıları menen ushırasıwlar ótkerilmekte.
Ushırasıwda mámleketimizde sud hújjetleri hám basqa uyımlar hújjetlerin orınlaw sisteması jıldan-jılǵa rawajlanıp atırǵanlıǵı, Joqarǵı sud hám Májbúriy orınlaw byurosı wákillikleri sheńberinde birge islesiw jolǵa qoyılıp, sud qararları orınlanıwı támiyinlenip, puqara hám shólkemlerdiń huqıqları hám nızamlı máplerin isenimli qorǵaw boyınsha keń kólemli is-ilájlar sistemalı túrde ámelge asırılıp atırılǵanlıǵı sóz etildi.
Sonday-aq, sud hújjetleriniń orınlanıwı óz múddetinde hám tolıq orınlanıwına erisiw maqsetinde, usı tarawda ele ámelge asırılıwı lazım bolǵan qatar isler, unamlı sheshimin kútip turǵan mashqalalar da bar ekenligi ayrıqsha toqtap ótildi.
Ótkerilgen ushırasıwlarda aldaǵı waqıtta hár bir sud qararı orınlanıwınıń sózsiz támiyinleniwi, bul arqalı puqaralar hám yuridikalıq shaxslardıń artıqsha aweregershiliginiń aldın alıwı tiyis ekenligi atap ótildi.
A.NURLIPESOV,
Qaraqalpaqstan Respublikası hákimshilik sudı baslıǵı