OQÍWSHÍLARǴA MÁMLEKET HÁKIMIYATÍNÍŃ DÚZILISI HAQQÍNDA TÚSINIK BERILDI
Puqaralıq isleri boyınsha Beruniy rayonlararalıq sudınıń sudyası N.Tairov Ellikqala rayonındaǵı 2-sanlı ulıwma bilim beriw mektebinde bolıp, oqıwshılarǵa “Ózbekstan Respublikasında mámleket hákimiyatınıń dúzilisi” temasında ashıq sabaq ótti.
Onda sudya oqıwshılarǵa mámleket hákimiyatınıń dúzilisi haqqında keń túrde túsinik berdi. Bul arqalı jaslar mámlekette mámleketlik basqarıw haqqında tolıq maǵlıwmat alıw menen huqıqıy bilimlerin bekkemlew múmkinshiligine iye boldı.
Sonday-aq, sud hákimiyatı, onıń strukturası hám wazıypaları da interaktiv metodlar arqalı tolıq túsindirildi.