SUDYA OQÍWSHÍLAR USHÍN ÁMELIY SABAQ ÓTTI
Qaraqalpaqstan Respublikası sudı hám Qaraqalpaqstan Republikası hákimshilik sudınıń «Sudyalar tárepinen ulıwma orta bilimlendiriw mákemelerinde ámeliy sabaq ótkeriw» boyınsha dúzilgen rejege tiykar Qaraqalpaqstan Respublikası hákimshilik sudı sudyası R.Xudayberganova Nókis qalası 1-sanlı ayırım pánler tereńlestirilip oqıtılatuǵın klassları bar mektepte «Insan huqıqları hám erkinlikleri kepilligi» atamasında ámeliy sabaq ótti.
Onda sudya oqıwshılarǵa tiykarǵı Nızamımızdıń áhmiyeti, jańalanǵan Konstituciyadaǵı normalar, insan huqıqların qorǵawda Konstituciyanıń ornı boyınsha túsinik berdi.
Álbette, sudyalar tárepinen bunday ámeliy sabaqlardıń shólkemlestiriliwi júdá áhmiyetli. Usınday ilájlar jaslarǵa insan huqıqları, olardın kepillikleri hám qorǵalıwı haqqında túsinik beriwge qaratılǵan. Insan huqıqları túsinigi, olardıń ulıwma principleri, bunday huqıqlardıń qorǵalıwı hám olardıń turmısımızdaǵı áhmiyeti boyınsha maǵlıwmat beriw arqalı, nızamlar jáne normalardıń insan huqıqların qorǵawdaǵı ornı da bekkemlenedi.
Óz náwbetinde oqıwshılar da ashıq sabaqlar tiykarında huqıqıy sawatxanlıǵın arttıradı. Jáne oqıwshılardıń nızamlardı biliwge, huqıqıy tarawǵa bolǵan qızıǵıwshılıǵı artıp, huqıqların qorǵawdı úyrenedi, sonıń menen birge demokratiyalıq qádriyatlardı elede tereń biliwine múmkinshilik beredi.
Mine usı tárepleri menen de sudya tárepinen ótkerilgen ámeliy sabaq oqıwshılarda ayrıqsha qızıǵıwshılıq oyattı.