SUDYALAR XALÍQ ARASÍNDA
Jınayat isleri boyınsha Shımbay rayonı sudınıń baslıǵı A.Uspanov, Shımbay rayonlararalıq sudınıń baslıǵı B.Bekmuratov hám usı sudtıń sudyası Z.Xasanovalar tárepinen rayondaǵı «Taǵjap» awıl puqaralar jıyınında ushırasıw ótkerildi.
Insan qadiri ushın. Mámleketimiz siyasatınıń baslı ideyasına aylanǵan bul túsinik negizinde alıp barılıp atırǵan reformalar puqaralarımız turmısında óziniń unamlı nátiyjelerin bermekte. Ásirese, xalıq arasına kirip, olar menen sáwbetlesiw, mashqalalarına sheshim tabıw búgin hár bir basshınıń tiykarǵı pricipine aylanǵan. Dáslep, sud basshıları tárepinen puqaralardıń pikir hám usınısları tıńlanıp, olarǵa huqıqıy túsinikler berildi.
Bunnan soń, sudyalar tárepinen korrupciya hám oǵan qarsı gúresiw, hayal-qızlardı basım hám zorlıqtan qorǵaw, adam sawdası hám májbúriy miynettiń aldın alıw, sonday-aq bul baǵdardaǵı nızamshılıq jóninde keń túrde maǵlıwmatlar berildi.