Жоқарғы суд Пленумының “Судлар тәрепинен салық нызамшылығын қоллаўдың айырым мәселелери ҳаққында”ғы қарарының мазмуны ҳәм әҳмийетин түсиндириў және судлар тәрепинен салық даўларын көриўде бирден-бир суд әмелиятын қәлиплестириў мәселелерине бағышланған семинар болып өтти
Нөкисте Жоқарғы суд Пленумының “Судлар тәрепинен салық нызамшылығын қоллаўдың айырым мәселелери ҳаққында”ғы қарарының мазмуны ҳәм әҳмийетин түсиндириў және судлар тәрепинен салық даўларын көриўде бирден-бир суд әмелиятын қәлиплестириў мәселелерине бағышланған семинар болып өтти.
Оған Жоқарғы суд баслығы орынбасары Ш.Полванов ҳәм Жоқарғы суд судьясы Д.Каримов, Қарақалпақстан Республикасы судлары баслықлары ҳәм судьялары, сондай-ақ, мәмлекетлик салық басқармасы, районлық мәмлекетлик салық инспекциялары хызметкерлери ҳәм ғалаба хабар қураллары ўәкиллери қатнасты.
Бүгинги күнде судлар тәрепинен салық даўлары бойынша көрилип атырған ислердиң тийкарғы категориясын салық қарыздарлығын өндириў, салық төлеўшилердиң бюджеттен пул суммаларын қайтарыў, салық уйымларының қарарларын ҳақыйқый емес деп табыў, лаўазымлы шахслардың ис-ҳәрекетлери (ҳәрекетсизлиги) үстинен шағым етиў ҳаққындағы даўлар қурамақта.
Семинарда судларда көрип шығылып атырған салық даўларына байланыслы айырым мәселелер бойынша бирден-бир жантасыўды қәлиплестириў зәрүрлиги жүзеге келгенлиги айтылды. Мине усыннан келип шығып, Жоқарғы суд пленумының “Судлар тәрепинен салық нызамшылығн қоллаўдың айырым мәселелери ҳаққында”ғы қарары ислеп шығылғанлығы ҳәм оны әмелиятда ең зәрүр деп есапланған мәселелер бойынша қоллаў жүзесинен усыныслар орын алғанлығы айрықша атап өтилди.
Иләж барысында суд әмелиятынан келип шыққан ҳалда салық органлары тәрепинен салық тексериўлери нәтийжелери бойынша қарарлар қабыл етиўде жол қойылып атырған нызам бузылыў жағдайлары, салықты есаплаў, финанслық жәрийма ҳәм жеңилликлерди қоллаў ҳәм салық органларының қараралары тийкарында салықларды өндириўдеги қәтеликлерге байланыслы әҳмийетли мәселелер додаланды.
Ашық сәўбетлесиў форматында өткен семинарда қатнасыўшылар қызықтырған сораўларына анық жуўаплар алды.
Қарақалпақстан Республикасы суды