ҚМУда “Жоқары оқыў орны Коррупциясыз тараў” атамасында тараў қәнигелери менен ушырасыў болып өтти
Бердақ атындағы Қарақалпақ мәмлекетлик университетинде “Жоқары оқыў орны-Коррупциясыз тараў” атамасында тараў қәнигелери менен ушырасыў болып өтти. Онда Қарақалпақстан Республикасы Прокуратурасы бөлим прокуроры А.Зарипов Қарақалпақстан Республикасы Жынаят ислери бойынша Нөкис қалалық суды судьясы Р.Каукышев, Қарақалпақстан Республикасы Ишки ислер министрлигиниң тергеў басқармасы баслығы орынбасары Р.Игамбердиев, Қарақалпақстан Республикасы Әдиллик министрлиги үгит-нәсият бөлими баслығы А.Отеўлиев, университет проректорлары, бөлим баслықлары, факультет деканлары, оқыў ислери бойынша декан орынбасары, Жаслар менен ислесиў бойынша декан орынбасары, топар тюторлары ҳәм университет профилактика инспекторлары қатнасты.
Ушырасыўды университет ректоры А.Реймов алып барып, ол өз сөзинде коррупция дүня көлеминде шешилиўи керек болған глобал машқалалардың бири екенлиги, бундай жаман иллет ҳәр қандай мәмлекет ҳәм жәмийеттиң сиясий еконмикалық раўажланыўына кери тәсирин көрсетип, инсан ҳуқық ҳәм еркинликлериниң аяқ асты болыўына алып келетуғынлығын, усындай унамсыз жағдайларға қарсы гүресиў бүгинги күн сиясатының әҳмийетли мәселелериниң бири екенлигин айтып өтти.
Буннан соң, Қарақалпақстан Республикасы Прокуратурасы бөлим прокуроры А.Зарипов сөзге шығып, коррупцияға қарсы гүресиў, оларға имканият жаратып берип атырған себеп ҳәм жағдайлардың алдын алыў бойынша бир қатар Нызамлар ҳәм нызам асты ҳүжжетлери қабыл етилгенлигин ҳәм айрым жоқары оқыў орынларнда коррупция менен байланыслы ҳалатлардың ушырасып атырғанлығын айтып, бәршени бундай жаман иллеттен аўлақ болыўға шақырды. Сондай-ақ, илажда сөзге шыққанлар коррупция –жәмийеттиң раўажланыўына кери тәсир етип қоймастан, елимиздеги ҳәрекет етип турған нызамларға исенимсизлик ҳәм оларға ҳүрметсизлик түсинигин пайда ететуғынлығын, сонлықтанда бул иллетке қарсы гүресиў ең алды менен ҳәр бир инсанның өзине байланыслы екенлигин, коррупциянын алдын алыўда жәмийетшилик қадағалаўын күшейтиў керек екенлигин айтып, бәршени бул жаман иллетке қарсы гүресиўде бийпарўа болмаўға шақырды.
Қарақалпақстан Республикасы суды