Ҳаял-қызлар менен ашық сәўбетлесиў
Судлар тәрепинен ҳаял-қызларға социаллық-ҳуқықый, психологиялық ҳәм материаллық жәрдем көрсетиў, сондай-ақ олар арасында ҳуқықбузарлықлардың, жынаятшылық жағдайларының алдын алыўға айырықша итибар қаратылмақта.
Қарақалпақстан Республикасы суды судьясы Е.Өтениязов ҳәм пуқаралық ислери бойынша Беруний районлараралық судының баслығы Ж.Кеўнимжаевлар тәрепинен усы жоқарыда атап өтилген мәселелер бойынша Беруний районындағы «Дўстлик» ҳәм «Обиҳаёт» мәкан, сондай-ақ, «Бийбазар» аўыл пуқаралар жыйынлары аймағында жасаўшы “Ҳаяллар дәптери”не киргизилген ҳуқықый жәрдемге мүтәж ҳаял-қызлар менен сәўбетлесити. Оларды қыйнап киятырған мәселе ҳәм машқалаларды тыңлап, бул мәселелерди шешиўдиң барлық илажын көрди. Итибарлысы, пуқаралардың бүгинги турмысынан разы болып жасаўын тәмийинлеў жолында исленип атырған жумыслар ҳәм олардың әҳмийети бойынша да мағлыўмат берилди.
Судьялар сәўбетлесиў барысында 30 ҳаял-қыздың машқалаларын тыңлап, оларға тийислилиги бойынша ҳуқықый түсиник берди.