ULUǴBEK ASHURDIŃ YOUTUBE VIDEOXOSTINGINDEGI «NEGATIV» KANALINDA JÁRIYALANǴAN BILDIRIW BOYINSHA
Ózbekstan Sawda-sanaat palatasınıń Qaraqalpaqstan Respublikası basqarması dawager AKB «Agrobank» Qaraózek filialı mápinde juwapkerler «Shohjahon Suhrobbek» juwapkershiligi sheklengen jámiyeti, «Jabbor Sarvar» jeke menshik kárxanası, «Tuproqqal’a ǵishti» jeke menshik kárxanası hám K.Niyazimbetovqa kredit qarızın óndiriw hám óndiriwdi girew múlklerge qaratıw haqqındaǵı dawa arzası menen sudqa múrájat etip, juwapkerden jámi qarızdarlıq 960.787 AQSh dolların múddetinen aldın óndiriwdi, óndiriwdi girewdegi «Tuproqqal’a ǵishti» hám «Jabbor Sarvar» jeke menshik kárxanaları, puqara K.Niyazimbetovqa tiyisli imarat hám obektlerge qaratıwdı soraǵan.
Sonday-aq, juwapker «Shohjahon Suhrobbek» juwapkershiligi sheklengen jámiyeti dawager AKB «Agrobank»tıń Qaraózek filialına qarata dawlı kelisimdi haqıyqıy emes dep tabıw haqqındaǵı qarsı dawa arzası menen sudqa múrájat etip, tárepler arasında 2020-jıl 10-dekabrde dúzilgen 14430-sanlı kredit shártnamasına qosımsha kelisimdi haqıyqıy emes dep tabıwdı hám dawagerdiń dawa talabınıń usı qosımsha kelisim boyınsha bólegin biykarlawdı soraǵan.
Puqaralıq isleri boyınsha Qońırat rayonlararalıq sudınıń 2023-jıl 27-oktyabrdegi qararı menen dawagerdiń dawa talapları qanaatlandırılıp, juwapker «Shohjahon Suhrobbek» juwapkershiligi sheklengen jámietinen dawager «Agrobank» AKB paydasına jámi 960.780 AQSh dolları qarjıları óndirilip, óndiriw girewdegi múlklerge qaratılǵan.
Juwapker «Shohjahon Suhrobbek» JShJnıń dawlı qosımsha kelisimdi haqıyqıy emes dep tabıw haqqındaǵı qarsı dawası qanaatlandırılmastan qaldırılǵan.
Qaraqalpaqstan Respublikası sudı apellyaciya instanciyasınıń 2024-jıl 9-yanvardaǵı ajıratı menen birinshi instanciya sudınıń sheshiwshi qararı ózgerissiz qaldırılǵan.
Sonday-aq, Ózbekstan Sawda-sanaat palatasınıń Qaraqalpaqstan Respublikası basqarması dawager «SHOXJAXON SUXROBBEK» juwapkershiligi sheklengen jámietiniń mápin gózlep juwapkerler AKB «Agro bank» hám AKB «Agro bank» Qaraózek filialına qarsı 2020-jıl 15-iyunde dúzilgen 14430-sanlı kredit shártnamasın haqıyqıy emes dep tabıw haqqındaǵı dawa arzası menen ekonomikalıq sudqa múrájat etken.
Bul is Shımbay rayonlararalıq ekonomikalıq sudı tárepinen kórip shıǵılıp, sudtıń 2025-jıl 24-fevral kúngi sheshiwshi qararı menen dawa arza qanaatlandırılmastan qaldırılǵan.
Qaraqalpaqstan Respublikası sudınıń málimleme xızmeti