Facebook ижтимоий тармоғида Х. Ботиров томонидан эълон қилинган билдириш юзасидан
Аввало, Х. Ботиров судьянинг хатти-ҳаракатига ҳуқуқий баҳо бериш ваколатига эга эмаслигини таъкидлаш лозим. Қолаверса, унинг ўтказилган хизмат текширувини “сохта”, деб аташи ҳам Судьялар олий малака ҳайъатини обрўсизлантиришдан бошқа нарса эмас. Энг ажабланарлиси, Хизмат текшируви ўтказиш чоғида фуқаро Х. Ботиров тушунтириш олиш учун чақиртирилган, лекин у кела олмаслигини айтиб, тушунтириш хатини бериб юборган. Тушунтириш хатига видеомурожаат ёзилган 2 дона диск илова қилган.
Ўтказилган хизмат текшируви натижаси бўйича тузилган 2023 йил 24 ноябрдаги хулосага кўра фуқаро Х.Ботировнинг мурожаатидаги важлар тасдиғини топмаган. Шунингдек, жиноят ишлари бўйича Беруний туман судининг раиси томонидан Р. Ботировга оид жиноят ишини кўриб чиқиш чоғида ва ҳукм чиқаришда, ножўя хатти-ҳаракатларга йўл қўйилмаганлиги аниқланганлиги маълум қилинади.